လူငယ်တို့ သဘာဝ ချစ်ကြ ကြိုက်ကြ ကြည်နူးကြ လွမ်းကြ
ရင်ခုန်ကြရန်ဖြစ်ကြ ပြန်ချစ်ကြနဲ့ အချစ်ရဲ့အရသာကို
ခံစားတတ်ကြသည်မှာသဘာဝမို့ မိမိအနေဖြင့် အချစ်ကို
အပြစ်လို့တော့မယူဆချင်ပါ။ လူပျိုတော်ဝင်စ အပျိုတော်ဝင်စ အချိန်သည် မိဘတို့အတွက်
မိမိသားသမီးကိုထိန်းသိမ်းရအခက်ဆုံးအချိန်ပေမို့ အထိန်းမတတ်သော မိဘများအဖို့ အင်မတန်
စိတ်ဆင်းရဲရဆုံးအချိန်ဟု ပြောလျှင် မှားမည်မထင်ပါ၊
လတ်တလောအခြေနေအရ တွေ့ကြုံကြားသိ မြင်တွေ့ရသော ဖြစ်ရပ်မှန် အကြောင်းအရာလေး
တစ်ခုကို ပြောပြချင်ပါသည်။ ကာယကံရှင် ပုဂ္ဂိုလ်များ၏ ဂုဏ်သိက္ခာကို ငဲ့ကွက်၍ နေရပ်လိပ်စာ
နှင့် နာမည်ရင်းများကို ပြောင်းလဲပီး အစားထိုး ပြောပြသွားပါအံ့။
တစ်နေ့ မိမိထံ အမှတ်မထင် ဖုန်းစိမ်းတစ်လုံး ၀င်လာသဖြင့် ကောက်ကိုင်ကြည့်လိုက်ရာ မိမိနှင့်
မိဘရင်းတစ်ဖွယ် အလွန်ခင်မင်ရသော ဒေါ်ဖြူဆိုသော အမေကြီးတစ်ယောက်ရဲ့ ဖုန်းဖြစ်နေကာ
ထိုအမေဖြူက မိမိအား သူ့ရင်ထဲမှ ခံစားချက်များကို ဤသို့ တစမချန် ဖော်ထုတ်ဖွင့်ဟလေတော့၏။
" သားရေ အမေတော့ အခုရက်ပိုင်းအတွင်း အရမ်းစိတ်ညစ်ပီး ဘာမှကို လုပ်ချင်ကိုင်ချင်စိတ်မရှိ
အောင်ဖြစ်နေတယ်"
ဒီလိုလေ သားရဲ့.. အမေရဲ့သမီး ခင်ခင်မာတစ်ယောက် ဟိုတလောလေးကဘဲ သူ့ချစ်သူနောက်ကို
ရုတ်တရက်လိုက်သွားပြီကွဲ့...သူ့ချစ်သူနောက် မလိုက်ခင် အမေကိုတော့ လာတိုင်ပင်သေးတယ်လေ..
အမေရေ..သမီးတော့ သမီးချစ်သူနဲ့ မကြာခင်လက်ထပ်ချင်လှပီ အမေရဲ့..အဲဒီကိစ္စကို အမေအနေနဲ့
ဘယ်လိုသဘောရသလဲဆိုပီး လာတိုင်ပင်ရှာပါသေးတယ်...
အဲဒီတော့ အမေက ပြန်ပြောလိုက်တယ်."သမီးရယ် အမေက သမီးကို အခုတွဲနေတဲ့
သမီးကောင်လေးနဲ့သဘောတူပီးသားပါကွယ်..ဘာမှကန့်ကွက်စရာမရှိပါဘူး..ဒါပေမဲ့
လောလောဆယ်အမေတို့မှာဝင်ငွေလစာကသိပ်မစုမိသေးတော့သမီးအနေနဲ့ ဖြစ်နိုင်ရင်
နောင်နှစ်လောက်ကျမှ လက်ထပ်ပါလား သမီးလို့ နားချလိုက်တယ်လေ..အဲဒီလို ပြောလိုက်တော့
သမီးက မျက်နှာငယ်လေးနဲ့ အခန်းထဲ ၀င်သွားတာပေါ့..အမေ့သမီးက ဘာပဲလုပ်လုပ် အမေကို
တိုင်ပင်ပီးမှ လုပ်နေကျ သမီးလိမ္မာလေးမို့ အခုလို နားချ လိုက်ရတာ သမီးအတွက်
တကယ်စိတ်မကောင်း ဖြစ်မိခဲ့တာ အမှန်ပဲကွဲ့...ဒီလိုနဲ့ တစ်ပတ်
လောက်အကြာမှာတော့ သမီးက အလုပ်ကနေ အခန်းပြန်လာနေကျအချိန်မှာ
ပြန်ရောက်မလာလို့ဖုန်းဆက်ကြည့်လိုက်တဲ့အခါမှာတော့ သမီးတစ်ယောက်
သူ့ချစ်သူကောင်လေးနောက်လိုက်သွားပီဆိ်ုတာ သိလိုက်ရတော့တာပါဘဲကွယ်..ဟု
ပြောပြနေတဲ့ အမေဖြူစကားအဆုံးမှာတော့ မိမိလည်း စိတ်မကောင်းဖြစ်ခဲ့ရလေပြီ။
"သြော်.. လူ၏အကြိုက်၊ ဆယ်ခါလိုက်လည်း၊ မလိုက်တစ်ခါ၊ ရှိခဲ့ပါမူ၊ ကြီးစွာရန်သူ၊ စွဲမှတ်ယူသည်၊
သတိမြဲမြံ၊ ကြည့်ဆက်ဆံ ဆိုတဲ့ ရှေးလူကြီးများရဲ့ ဆိုရိုးလင်္ကာစကားလေးကို သွားသတိရလိုက်မိ
သည်မှာ အမှန်ပင်။
တကယ်တော့ အမေဖြူသမီး ခင်ခင်မာ ချစ်သူရည်းစားနောက် ခိုးရာလိုက်ပြေးတဲ့ ကိစ္စဟာ
ရုတ်တရက်ကြည့်လျှင် ခင်ခင်မာ ထင်ရာလုပ်တယ်ဟု အပြစ်ပြောမယ်ဆိုလျှင် ပြောလို့ရ
သော်လည်း မိခင်တစ်ယောက်အနေနဲ့ သားသမီးတစ်ယောက်အပေါ် အလိုက်ထိုက်
ပြောဆိုဆုံးမ မထိန်းကြောင်းတတ်သောကြောင့်ဟု ရိုးမယ်ဖွဲ့မယ်ဆိုရင်လည်း ဆိုလို့ရပေ၏။
ထိုသို့သော အကြောင်းရာ အဖြစ်ပျက်များကြောင့် "အမေသမီးက လင်နောက်လိုက်ပြေးတတ်
တာက လွဲလို့ ကျန်တာအကုန်လိမ္မာတယ်"ဟု လူသားတို့၏ ပါးစပ်ဖျားတွင် ဟာသဆန်သော
စကားလုံးလေးတစ်ရပ် ပေါ်ထွက်လာသည်မှာလည်း မထူးဆန်းတော့ပေ။
ယခုလည်း ဖေဖော်ဝါရီလ(၁၄)ရက်နေ့မှာ ကျရောက်လာတော့မယ့် ဗာလင်တိုင်းဒေး
(VALENTINE DAY)နေ့ရက်အချိန်ခါ သမယတွင် ကမ္ဘာပေါ်မှာ ရှိတဲ့ ချစ်သူရည်းစားစုံတွဲများ
အနေဖြင့် ဟိုဟိုဒီဒီ သွားလာလည်ပတ်ကြပီး သူတို့တွေရဲ့အချစ်ခရီးကို ပျော်ရွှင်စွာကျော်ဖြတ်
ကြမည်မှာ အမှန်ပေမို့ သားသမီးရှိသော မိဘတိုင်းအနေနဲ့ ၄င်းနေ့ရက်အခါသမယတွင် ပိုင်နိုင်စွာ
ထိန်းသိမ်းတတ်ကြဘို့အလွန်အရေးကြီးပါသည်။
လူငယ်သဘာဝ အပျော်မက်ကြသည်မှာ မှန်ပေမယ့် မိမိတို့အနေဖြင့် ဒီဗာလင်တိုင်းဒေ့းနေ့တစ်နေ့
သည်သာ အရေးကြီးဆုံးနေ့ဟု စ်ိတ်ထဲမှာ ယူဆမထားဘို့တော့ ပြောချင်ပါသည်၊အဘယ့်ကြောင့်
ဟူမူ ဒီဖေဖော်ဝါရီ(၁၄)ရက်မတိုင်ခင်မှာကော ဘာနေ့တွေ ရှိသေးသလဲဆိုတာကိုလည်း သိထားကြ
ရမှာ ဖြစ်တာမို့ မိမိတို့အိမ်မှာ ချိတ်ဆွဲထားတဲ့ မြန်မာပြက္ခဒိန်လေးကို လှန်လှောရှာဖွေကြည့်လျှင်
ချစ်သူများနေ့ထက် အရေးကြီးသော နေ့များကို တွေ့မြင်ကြရပေမည်။
ဖေဖော်ဝါရီလ(၁၂)ရက်နေ့သည် ပြည်ထောင်စုဖွား တိုင်းရင်းသားညီအစ်ကိုများရဲ့
ပေါင်းစည်းညီညွတ်မှု အထိမ်းအမှတ်သင်္ကေတ ပြည်ထောင်နေ့ အခါသမယဖြစ်ပြီး
၎င်းဖေဖော်ဝါရီလ(၁၃)ရက်နေ့ကတော့မြန်မာပြည်သူပြည်သားများကို နယ်ချဲ့
လက်အောက်ခံဘ၀ကနေ လွတ်မြောက်အောင် ကယ်တင်ပေးခဲ့တဲ့
လွတ်လပ်ရေးဖခင်ကြီး ဗိုလ်ချုပ်အောင်ဆန်းကို မွေးဖွားပေးခဲ့တဲ့ (AUNG SAN's BIRTH DAY)
ဗိုလ်ချုပ်မွေးနေ့ သို့မဟုတ် အဖေ့နေ့(Father's Day)ဆိုတာကိုလည်း မိမိတို့ရဲ့ ချစ်သူများကို
နှလုံးသားထဲကနေ မမေ့နိုင်သလို ဗိုလ်ချုပ်ကိုလည်း မမေ့ကြဘို့ သတိပေး မှာကြားရင်း
ချစ်သူများနေ့ အမှတ်တရအဖြစ် လူငယ်မျိုးဆက်သစ်လေးများအတွက်
ရေးသားတင်ပြလိုက်ရပါသည်။
Credit ဆန်းသစ်အောင်
No comments:
Post a Comment